काठमाडौं, २१ जेठ, प्रधानमन्त्री केपी शर्मा ओलीले प्रदेश नं ३ का मूख्यमन्त्री डोरमणी पौडेलको स्वास्थ्य अवस्था जानकारी लिनुभएको छ ।
मुटुको एनजिओप्लाष्ट गरेर शहीद गंगालाल राष्ट्रिय हृदयरोग निवारण केन्द्रमा आराम गरिरहनु भएका पौडेललाई प्रधानमन्त्री ओलीले आज बिहान भेटेर स्वास्थ्य अवस्थाको जानकारी लिदैं स्वास्थ्य लाभको कामना गर्नुभएको हो ।
प्रधानमन्त्री ओलीलाई उपचारमा संलग्न चिकित्सकहरुले पौडेलको स्वास्थ्य अवस्था बारेमा जानकारी गराएका थिए । प्रधानमन्त्री ओलीले पौडेलको उपचारमा कुनै कसर बाँकी नराख्न चिकित्सक र अस्पताल प्रशासनलाई निर्देशन दिनु भएको छ ।
मूख्यमन्त्री पौडेललाई मुटुमा समस्या देखिएपछि तीन दिन अघि अस्पताल भर्ना हुनुभएको हो ।
